အိပ်မက်ဆိုးမှ နိုးထခြင်း
အိပ်မက်ဆိုးမှ
တဒင်္ဂ
နိုးထစေခြင်းမှာ
တိမ်တွေကို လက်ဖဝါးနဲ့ ကွယ်ယူပေးပါ ကိုကို။
အိပ်မက်ဆိုးမှာ
ခပ်ကြာကြာ
နိုးထစေခြင်းသော်လည်းကောင်း
ပန်းရနံ့ကို ပုံပြင်တွေထဲ သွန်းလောင်းဖြိုးစေခြင်းမှာ
ကိုကို့မေတ္တာ ကြယ်စင်တွေထက် လင်းလက်တယ်။
ကိုကို့ရဲ့ လက်ဝယ်ရရှိထားတဲ့ သောကကို
ညီမလေးရဲ့ သီချင်းတစ်ဖွဲ့နဲ့
လွတ်မြောက်စေမယ်ဆိုရင်
သံစဉ်တွေ ရွတ်ဆိုပြရုံတင်မက
ဓမ္မတေးပါ ဟောဆိုပြပါ့မယ်။
ယနေ့ တိုက်ခတ်လာတဲ့
လေပြည်ထဲမှာ
တရွာတကျေး ဝေးနေတဲ့ ညီမလေးထံမှ
ဘာသတင်းမှ မပါလာတာဟာ
ယနေ့ညရဲ့ အိပ်မက်ဆိုးဖြစ်မယ်ဆိုရင်
မနက်ဖြန် တိုက်ခတ်လာမယ့် လေပြည်ထဲမှာ
ညီမလေးထံမှ ရောက်ရှိလာမယ့်
ချစ်ခြင်းတရားကနေ
ကိုကို အိပ်မက်ဆိုးမှ နိုးထပါစေ။
ဇင်နှင်းသစ် (ရွှေတောင်ပြည် )
